Kala 16.00 spyniŭsia elektryčny transpart u rajonie vulic Kujbyšava—Surhanava, paviedamiŭ aficyjny tvitar MNS.
Paźniej karystalniki sacsietak stali paviedamlać pra adklučeńnie elektryčnaści ŭ budynkach i niepracujučyja śviatłafory na vulicach Niakrasava, Banhałor, Arłoŭskaja, Kołasa, Charužaj, Staravilenski trakt.
Jak paviedamili ŭ MNS, na transfarmatarnaj padstancyi na vulicy Karastajanavaj adbyłosia karotkaje zamykańnie elektraščyta. Na miescy pracujuć ramontnyja bryhady.
Taksama adbyłosia adklučeńnie elektraenierhii na padstancyi 110\10 kV «Staražoŭskaja», paviedamili ŭ «Minskenierha».
Jak paviedamili ŭ DP «Minsktrans», ruch tralejbusaŭ i tramvajaŭ byŭ adnoŭleny ŭ 17.50.
Paźniej u MNS paviedamili, što adklučeńni elektryčnaści ŭ Minsku nie źviazanyja ź incydentam na transfarmatarnaj padstancyi.
Jak rastłumačyli ŭ DVA «Biełenierha» kala vaśmi hadzin viečara, pieršapryčynaj adklučeńniaŭ stała praviadzieńnie niaŭzhodnienych ziemlanych rabot arhanizacyjaj «Minskrambud» u achoŭnaj zonie kabielnaj linii 10 kV i paryŭ hetaj kabielnaj linii, z pryčyny jakoha adbyłosia karotkaje zamykańnie.
Adnaŭleńnie elektrazabieśpiačeńnia čakajecca na praciahu paŭtary-dźviuch hadzin.
