Paŭnočna-Kaŭkazski vajenny sud Rasijskaj Fiederacyi prysudziŭ da 12 hadoŭ kałonii stroha režymu ŭkrainca Alaksieja Sizanoviča pa abvinavačvańni ŭ niezakonnym pierasiačeńni miažy i padrychtoŭcy teraktu ŭ horadzie Kamiensk-Šachcinski (Rastoŭskaja vobłaść), paviedamlaje «TASS».

Fota: Miedyjazona

«Paŭnočna-Kaŭkazski sud pryznaŭ vinavatym i prysudziŭ pa sukupnaści złačynstvaŭ da 12 hadoŭ pazbaŭleńnia voli i štrafaŭ u pamiery 200 tysiač rubloŭ i 50 tysiač rubloŭ», — havorycca ŭ paviedamleńni.

Sizanoviča pryznali vinavatym pa takich artykułach KK RF, jak «Padrychtoŭka terarystyčnaha aktu», «Niezakonnaje nabyćcio, pieradača, zbyt, zachoŭvańnie, pieravozka abo našeńnie vybuchovych rečyvaŭ abo vybuchovych pryład» i «Niezakonnaje pierasiačeńnie dziaržaŭnaj miažy Rasii». Pa viersii śledstva, Sizanovič i jaho saŭdzielnik u krasaviku 2014 hoda ŭ Kijevie nibyta stvaryli arhanizavanuju hrupu i damovilisia ab padrychtoŭcy i ździajśnieńni terarystyčnych aktaŭ na terytoryi Rasii i Ukrainy. Sizanovič zajaviŭ, što jon źbiraŭ infarmacyju ab abjektach transpartnaj infrastruktury i pieradavaŭ ich svajmu kiraŭniku ź psieŭdanimam Uładzisłavavič, jaki pradstaviŭsia jamu supracoŭnikam ukrainskaj vyviedki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?