Rasijskaja prapucinskaja arhanizacyja bajkieraŭ «Načnyja vaŭki» upieršyniu z 2012 hoda zastałasia biez hranta na praviadzieńnie navahodnich jalinak. Pra heta paviedamlaje «Kommiersant» sa spasyłkaj na rašeńnie kaardynacyjnaha kamiteta pa raźmierkavańni hrantaŭ prezidenta RF dla niekamiercyjnych arhanizacyj. Aficyjna vyniki konkursu jašče nie abvieščanyja.

«Načnyja vaŭki» prasili na navahodnija jalinki 9,5 miljona rubloŭ (kala 150 tysiač dalaraŭ). U zajaŭcy arhanizacyja abiacała ŭznavić na śviacie «atmaśfieru ruskaj narodnaj kazki, zasnavanaj na historyi i padańniach našaha naroda, jakaja spałučajecca z realnaściu našych dzion, patryjatyzmam i adlustroŭvaje vyraznyja pazicyi» Načnych vaŭkoŭ» na padziei ŭ śviecie i Rasii».

Dźvie inšyja zajaŭki «Načnych vaŭkoŭ» - na stvareńnie «Karty turystyčnaj historyi» i na ŭmacavańnie mižnacyjanalnych adnosin - nie byli dapuščanyja navat da ekśpiertyzy.

Ad 2012 hoda «Načnyja vaŭki» atrymali hrantaŭ prykładna na 60 miljonaŭ rubloŭ. Hetyja hranty byli pryznačanyja na praviadzieńnie navahodnich jołak, fiestyval kaskadzioraŭ, bajk-šoŭ i hetak dalej.

Lidar «Načnych vaŭkoŭ» Alaksandr Załdastanaŭ (Chirurh) publična vystupaje z uchvałaj palityki prezidenta Rasii Uładzimira Pucina. Jon rehularna źjaŭlajecca ź im na mierapryjemstvach. Załdastanaŭ taksama siabruje z kiraŭnikom Čačni Ramzanam Kadyravym.

Клас
Панылы сорам
Ха-ха
Ого
Сумна
Абуральна