U Minskim rajonie 83-hadovaja piensijanierka zabłukała ŭ lesie. Znajšli jaje na treci dzień pošukaŭ, ad radaści žančyna zaśpiavała. Videa pošukavaj apieracyi apublikavaŭ atrad «Anioł».
83-hadovaja Zinaida Husarevič ź vioski Čaromcha (Minski rajon) źnikła ŭ minułuju sieradu, kali vyjšła ŭ les sabrać hryboŭ na sup. Ale zabłukała.
Pošukavaja apieracyja zaviaršyłasia tolki ŭviečary ŭ piatnicu, kali vałanciory znajšli žančynu ŭ 4 km ad doma. Jana vielmi ŭzradavałasia hetamu i pačała śpiavać «Kaciušu».
«Dvoje sutak žančyna znachodziłasia ŭ lesie bieź ježy i biez vady. Joj akazali pieršuju dapamohu i vyklikali chutkuju. Siońnia ranicaj Zinaidu Alaksandraŭnu vypisali dadomu, ź joj usio dobra», - raspavioŭ tut.by Siarhiej Koŭhan.
Darečy, dapamahać u pošukach tym viečaram vyzvałasia bolš za 30 čałaviek.
