Pry pierastrełcy ŭ Masabłsudzie zabityja try fihuranty spravy «bandy HTA». Pra heta raspaviali ŭ MUS RF. Jašče dvoje padsudnych paranienyja, piša Mieduza.
Raniej paviedamlałasia, što ŭ lifcie suda padsudnyja napali na kanvairaŭ i zavałodali ich zbrojaj, paśla čaho pačałasia pierastrełka. U Śledčym kamitecie ŭdakładnili, što ŭ lifcie piaciarych padsudnych supravadžali tolki dvoje kanvairaŭ.
NTV sa spasyłkaj na Ministerstva achovy zdaroŭja paviedamlaje, što žyćciu dvaich paciarpiełych sudovych prystavaŭ ničoha nie pahražaje. Paźniej «Interfaksu» raspaviali, što ŭ paciarpiełych mužčyny i žančyny niama ahniastrelnych ranieńniaŭ.
U MUS taksama paviedamili, što ranieńnie atrymaŭ supracoŭnik Rashvardyi, a dvoje palicejskich atrymali traŭmy.
Pres-sakratar suda Natalla Osipava zajaviła, što ŭsie evakujavanyja paśla pačatku stralby ŭžo viarnulisia ŭ pamiaškańnie.
Padsudnymi pa spravie «bandy HTA» prachodziać dzieviać čałaviek, ich abvinavačvajuć u 17 zabojstvach i inšych złačynstvach. Pa viersii śledstva, jany ŭ 2012-2014 hadach napadali na kiroŭcaŭ na padmaskoŭnych trasach.