Viadomy amierykanski pradprymalnik, zasnavalnik kampanij Tesla i SpaceX Iłan Mask pryznaŭsia, što pakutuje na bipalarnaje rasstrojstva. Pra heta jon paviedamiŭ u tvitary, adkazvajučy na pytańni padpisčykaŭ, piša New York Post.
Getty
«Maja realnaść — heta imklivyja ŭzdymy, žudasnyja padzieńni i niaŭmolny stres. Nie dumaju, što ludziam chaciełasia b čuć pra apošnija dva», — napisaŭ Mask u adnym z dyjałohaŭ u sacsietcy.
Na pytańnie padpisčyka, ci pakutuje jon na bipalarnaje rasstrojstva, pradprymalnik daŭ śćviardžalny adkaz.
«Tak. Choć, moža, nie pa-miedycynsku. Nie viedaju. Drennyja pačućci karelujuć z drennymi padziejami, tamu, mahčyma, sapraŭdnaja prablema ŭ tym, što mianie zaciahvaje toje, na što ja padpisaŭsia. Kali kuplaješ bilet u piekła, niesumlenna budzie vinavacić piekła», — praciahnuŭ Mask.
Bipalarnaje rasstrojstva — heta stan psichičnaha zdaroŭja, jaki charaktaryzujecca pieramienlivymi epizodami adčuvańnia ŭźlotaŭ i padzieńniaŭ.
