Sienat kanhresa ZŠA zaćvierdziŭ Krystafiera Reja novym kiraŭnikom Fiederalnaha biuro rasśledavańniaŭ (FBR). Pra heta paviedamlaje ahienctva Reuters.

Za kandydaturu byłoha namieśnika kiraŭnika Miniusta ZŠA prahałasavali 95 sienataraŭ, dvoje vystupili suprać.

Miesca dyrektara siłavoha viedamstva pustavała z 10 traŭnia, kali Džejms Komi byŭ zvolnieny prezidentam Donaldam Trampam. Pa śćviardžeńni kiraŭnika dziaržavy, Komi dapuściŭ słužbovy padłoh, spyniŭšy rasśledavańnie ŭ dačynieńni da byłoha dziaržsakratara Chiłary Klintan, jakoje tyčycca vykarystańnia elektronnaj pošty dla pieradačy źviestak, jakija składali dziaržaŭnuju tajamnicu.

11 maja The New York Times apublikavała natatku, u jakoj padavalisia źviestki ab tym, što Tramp patrabavaŭ ad Komi spynić rasśledavańnie ŭ dačynieńni da byłoha pamočnika pa nacbiaśpiecy Majkła Flina.

12 lipienia Rej zajaviŭ, što nie budzie prynosić Trampu klatvu viernaści, udakładniŭšy, što «jaho klatva viernaści - kanstytucyi, uładzie zakonu i misii FBR».

Rej — były advakat Ministerstva justycyi, jaki zajmaŭsia abaronaj pa spravach ab ekanamičnych złačynstvach.

Клас
Панылы сорам
Ха-ха
Ого
Сумна
Абуральна