Adzin za adnym u Viciebskaj vobłaści naradzilisia niemaŭlaty-rekardsmieny, paviedamlaje sajt sb.by. Učora ŭ Navapołacku vypisali dadomu Irynu Duliniec razam z synam Savielijem, jaki źjaviŭsia na śviet vahoj 5,44 kh i rostam 58 sm. A ŭ radzilni Oršy śviatkavali naradžeńnie vołata vahoj 5,130 hramaŭ i rostam 64 sm. Na vyhlad abodvum zdaraviakam 3—4 miesiacy. Radujucca ŭsie: i ščaślivyja baćki, i miedyki, dziakujučy vysokamu prafiesijanalizmu jakich nieardynarnyja rody prajšli paśpiachova.

Vołat Savielij Duliniec u rukach zahadčycy adździaleńnia novanarodžanych dziaciej Hanny Jarockaj. Fota: BiełTA.

Vołat Savielij Duliniec u rukach zahadčycy adździaleńnia novanarodžanych dziaciej Hanny Jarockaj. Fota: BiełTA.

Naohuł, pa statystycy, kožnaje dziasiataje dzicia ŭ nas naradžajecca vahoj bolš za 4 kh, źjaŭlajucca inšy raz i sapraŭdnyja «ciažkavahaviki» ŭ 5,6 kh. Choć u suśvietnym maštabie heta nie rekordny pakazčyk: u Mielitopali niadaŭna naradziłasia niemaŭla vahoj 6,280 hramaŭ, a niemaŭla-rekardsmien z Kitaja pry ŭzvažvańni paciahnuŭ na 7,4 kh! Naohuł ža siaredniestatystyčnaja vaha chłopčykaŭ — u miežach 3,2—3,5 kh, dziaŭčynki bolš kvołyja — 3—3,2 kh. Kali aceńvać novanarodžanych pa ŭsioj Ziamli, to najbolš bujnymi akažucca malaniaty sa skandynaŭskich krain, a drobnymi — z Afryki. Darečy, mienavita druhoje i treciaje dzicia ŭ siamji, jak praviła, akazvajecca bujniejšym za pieršynca.

Клас
Панылы сорам
Ха-ха
Ого
Сумна
Абуральна