Alaksandr Łukašenka daručyŭ paraŭnać kolkaść pałomak ajčynnaj sielhastechniki i najlepšych zamiežnych anałahaŭ. Adpaviednaje daručeńnie jon daŭ siońnia na sielektarnaj naradzie pa pytańniach uborki ŭradžaju ŭ 2017 hodzie, pieradaje karespandent BiełTA.
«Čamu niajakasnuju techniku pradajecie sielskaj haspadarcy?» - źviarnuŭsia z pytańniem kiraŭnik dziaržavy da vice-premjera Uładzimira Siamaški. Jon dałažyŭ, što pa vynikach 2016-ha i pieršaj pałovy 2017 hoda adznačana źnižeńnie defiektnaści techniki, jak harantyjnaj, tak i postharantyjnaj.
Vice-premjer taksama paviedamiŭ, što techniki pad uboračnuju zrabili ŭ dastatkovaj kolkaści, ale nie ŭsie kambajny apłačanyja.
«Tamu prablema za haspadarkami, za abłaściami. Vykuplać treba», — skazaŭ Uładzimir Siamaška.
Alaksandr Łukašenka daručyŭ kiraŭnictvu MUS i Kamiteta dziaržkantrolu pačynajučy z 1 žniŭnia dakładvać pra vypadki vychadu z ładu harantyjnaj techniki.
«Nie daj boh vyjdzie harantyjnaja technika sa stroju - fakty mnie hetyja ŭsie dałažyć pa krainie. I nie daj boh tudy bolš sutak nie źjavicca harant», - papiaredziŭ jon.
«Voźmiem admovy ich. Kali Siamaška na hetym uzroŭni pracuje, da jaho pretenzij niama. Kali choć na adnu adzinku horš, chaj narakajuć sami na siabie. Chopić ź imi cackacca. Za niajakasnuju techniku adkazvaje piersanalna Siamaška», - zajaviŭ Łukašenka.
Što datyčycca pastavak vyrablenaj techniki, kiraŭnik dziaržavy daručyŭ apieratyŭna vyrašyć hetaje pytańnie. «Usiu techniku, jakaja zamoŭlena, adpravić u haspadarki. Kali nie apłačana - pad harantyi hubiernataraŭ. … Što tołku ad taho, što vyrableny kambajny, i jany siońnia stajać na zavodzie. Hrošaj niama … Nu, zaŭtra źjaviacca. A kambajny-to nie patrebnyja buduć zaŭtra. Tamu nieadkładna adpravić pad harantyi hubiernataraŭ i Kabiakova (premjer-ministr Andrej Kabiakoŭ. - Zaŭvaha. Redakcyi) pa apłacie».