Hienadź Fiadynič, lidar niezaležnych prafsajuzaŭ.
Pravaabaronca Aleś Bialacki prakamientavaŭ zatrymańni i pieratrusy ŭ ofisach niezaležnych prafsajuzaŭ. U 2011 hodzie anałahičnaja historyja zdaryłasia z samim Bialackim, jon byŭ asudžany na 4 z pałovaj hady za niaspłatu padatkaŭ.
«Zatrymany kiraunik niezaležnaha prafsajuza REP Hienadź Fiadynič. Zatrymlivaŭ jaho DFR KDK, dakładna, jak mianie. I abvinavačvańnie toje samaje, niacpłata padatkaŭ u asabliva bujnych pamierach, artykuł 243 častka 2, — napisaŭ u svaim fejsbuku pravaabaronca. — Niama sumnievu, što sprava hetaja palityčnaja. Ułady vyrašyli raspravicca ź niaŭhodnymi i nasamreč niezaležnymi prafsajuzami, pomściačy za viasnu-2017 i bajučysia haračaj vosieni, bo asnoŭnyja prablemy ŭ ekanomicy nie vyrašanyja, i jany praduhledliva bjuć pa samych dla ich niebiaśpiečnych.
Biełaruskaje hramadstva pavinna jak najchutčej i jak najhałośniej vykazacca pa spravie zatrymańnia Hienadzia Fiadyniča. Nie — novym palityčnym źniavolenym u Biełarusi!»
