Sustreča z brytanskimi marskimi piachotnikami ŭ sieradu stała apošnim publičnym mierapryjemstvam, u jakim 96-hadovy hiercah Edynburhski ŭziaŭ udzieł u jakaści aficyjnaha pradstaŭnika brytanskaj karaleŭskaj siamji, piša VVS.
Reuters
Z taho času, jak jaho žonka, karaleva Lizavieta II ŭzyšła na tron, prync Filip na praciahu 65 hadoŭ supravadžaŭ jaje ŭ aficyjnych pajezdkach i na mierapryjemstvach, nie ličačy šmatlikich sustreč i schodaŭ, jakija hiercah pravioŭ u adzinočku, zamiaščajučy svaju žonku.
Pieršym aficyjnym «solnym» mierapryjemstvam Filipa — tady jašče nie prynca-kansorta, a prosta muža spadčynnaj pryncesy — stała naviedvańnie baksiorskaha boju ŭ Albiert-Chole ŭ 1948 hodzie.
Uličvajučy, što sam jon taksama źjaŭlajecca zasnavalnikam, kurataram, členam papiačycielskaj rady abo hanarovym patronam niekalkich dziasiatkaŭ dabračynnych arhanizacyj, niadziŭna, što za svaju «karjeru» prync Filip uziaŭ udzieł u 22 218 aficyjnych mierapryjemstvach — nie ličačy tych vypadkaŭ, kali jon supravadžaŭ Lizavietu.
22 219-m i apošnim stała jaho sustreča z vajskoŭcami, jakija viarnulisia ŭ sieradu z dabračynnaha marafonu na vynoślivać Global Challenge. Jak hienierał-kapitan karaleŭskich marskich piachotnikaŭ, hiercah pryniaŭ ŭračysty parad z hetaj nahody.
Zrešty, u Bukinhiemskim pałacy ŭdakładnili: choć ź siońniašniaha dnia prync Filip aficyjna «vychodzić na piensiju» i dla jaho bolš nie buduć płanavać asobnych cyrymonij, u budučyni jon pa-raniejšamu moža časam supravadžać svaju žonku na lubych mierapryjemstvach pa ŭłasnym vybary.
RA
Pracoŭny hrafik karalevy Lizaviety II pa-raniejšamu zapoŭnieny raznastajnymi aficyjnymi ŭračystaściami.
Łedzi Mira Bater, jakaja viedała prynca Filipa jašče dziciem — jany paznajomilisia, kali jamu nie było i 10 hadoŭ, — raspaviała, što pamiataje jaho «žyćciaradasnym i viasiołym chłopčykam».
«Ja ŭpeŭnienaja, jon nie prapadzie [ź vidu], choć nam usim budzie jaho vielmi nie chapać», — skazała jana, adkazvajučy na pytańnie ab tym, čym prync zojmiecca na piensii.
«Dla ŭsich nas jon byŭ astraŭkom stabilnaści, zaŭsiody hatovym padtrymać i pryjści na dapamohu, i jon zaŭsiody padtrymlivaŭ karalevu. Nam ź im vielmi, vielmi pašancavała», — dadała łedzi Bater.
Kali ŭ mai hetaha hoda pałac abviaściŭ ab chutkim vychadzie hiercaha na piensiju, premjer-ministr Tereza Mej vykazała jamu ad imia ŭsich brytancaŭ «hłybokuju padziaku i najlepšyja pažadańni».
Kiraŭnik apazicyi Džeremi Korbin taksama pažadaŭ pryncu usiaho najlepšaha na «zasłužanaj piensii».
Reuters
