Treci hod zapar nacyjanalny brovar «Alivaryja» i chakiejny kłub «Dynama Minsk» radujuć svaich prychilnikaŭ sumiesnym prajektam. Ich namahańniami na śviet źjaŭlajecca hatunak «Alivaryja Dziasiatka» — heta lohki, pitki, łahier, idealny dla prahladu spartyŭnych spabornictvaŭ.
Sioleta piŭnuju liniejku da chakiejnaha siezona vyrašyli zapuścić admysłovym šlacham. Dla hetaha byli abranyja troje samych addanych fanataŭ staličnaha kłuba, jakija ŭ sacyjalnych sietkach zmahli najbolš aryhinalna pryznacca ŭ lubovi da «Dynama», vykarystoŭvajučy adny tolki emodzi.
Chakieisty minskaha «Dynama» «zaradžajuć» piva na siezon.
Imi stali dva chłopcy — Juryj Ciškievič i Dzianis Bažatkin, a taksama dziaŭčyna — Ała Žuk. Tak, na matčy chakiejnaha «Dynama» chodziać i zaŭziejuć za kłub nie tolki mužčyny. Najpierš abranyja ščaśliŭčyki pryjechali na «Minsk-Arenu» — samuju naviedvalnuju placoŭku va ŭsioj KCHŁ, — kab tam «zaradzić» novy hatunak.
Kožny ź ich trymaŭ u ruce kielich z adnym z kampanientaŭ budučaha piva: vadoj, soładam i chmielem. Chakieisty minskaha kłuba, jakija prachodzili mima, staralisia dakranucca svaimi palčatkami da inhrydyjentaŭ, kab piva atrymałasia «ź luboŭju».
Chmiel, soład, vada — hałoŭnyja piŭnyja kampanienty.
Jakim pavinna być idealnaje piva, spytalisia ŭ chłopcaŭ? «Chałodnym i paśla pieramohi», — zdajecca, idealny adkaz spradukavaŭ Juryj. Chakiejem jon zachaplajecca ŭžo bolš za dziasiatak hadoŭ. Ciapier starajecca nie prapuskać nivodnaha matča.
Navat sa svajoj budučaj žonkaj paznajomiŭsia na arenie. Za adzin kłub zaŭzieli ci za roznyja? «Nie daj boh, kab za roznyja», — śmiajecca chłopiec. U pary nie tak daŭno naradziŭsia syn. Ciapier Juryj stavić sabie za metu samomu navučycca katacca na kańkach, uziać u ruki klušku, kab davać synu stanoŭčy prykład.
Dzianis kaža, što lubimyja jahonyja momanty ŭ matčach, kali na apošnich chvilinach kamanda vyryvaje pieramohu ci pieravodzić matč u oviertajm. Tady emocyi zaškalvajuć i piva ŭ takija časy vielmi pasuje.
Na zavodzie «Alivaryja» fanataŭ sustreła hałoŭny pivavar Natalla Arłova. «Nu jak, zaradzili piva?» «Tak, tolki stanoŭčymi emocyjami», — adkazali joj. Dalej Natalla paviała ŭsich pa zavadskoj terytoryi. Vytvorčaść dahetul znachodzicca ŭ budynku kanca XIX stahodździa,i vypusk piva tut nikoli nie spyniaŭsia. Adzin z čanaŭ na varcy ustaloŭvali praz dach, kab nie paškodzić unikalny budynak.
Vytvorčaść piva zapuščanaja!
Fanaty ŭłasnaručna prajšli praz mnohija stadyi varki piva. Jany ŭziali samy niepasredny ŭdzieł u — drableńni, zacirańni, filtracyi sołada, zasypali zaražany emocyjami chmiel. Heta absalutna novyja dla ich adčuvańni: pasprabavać siabie ŭ roli pivavara. Za ŭsim hetym pilna sačyła Natalla Arłova, a taksama inšyja supracoŭniki zavoda, kab usio rabiłasia ŭ adpaviednaści z normami. I kab budučaje piva pryniesła radaść zaŭziataram chakieja i nie tolki. Chłopcy i dziaŭčaty zajmieli ŭnikalnuju mahčymaść pahladzieć u ahramadnyja čany, jak ža na samaj spravie varycca piva. Mała z čym paraŭnalnyja adčuvańni. Voś tak novaja varka «Dziasiatki» stałasia sapraŭdy fanackaj.
Fanaty «Dynama» atrymali padarunki ad «Alivaryi».
Nu i ŭ rešcie rešt apošni punkt — nacisnuć knopku i zapuścić vytvorčaść. Z takoj hanarovaj misijaj samyja addanyja zaŭziatary «Dynama» spravilisia.
Admysłovaja limitavanaja sieryja «Alivaryi Dziasiatki» źjavicca ŭ prodažy 23 žniŭnia — u dzień pieršaha chatniaha matča minskaha «Dynama» ŭ KCHŁ. Niadrenny padarunak dla ŭsich zaŭziataraŭ kłuba.
TAA «Siettie Studio» UNP 192409356
