Memaryjalnaja doška kavaleru ordena «Za asabistuju mužnaść», kursantu vajennaj akademii Dźmitryju Hvišyani budzie ŭstalavana 1 vieraśnia ŭ Miensku na budynku avijacyjnaha fakulteta Vajennaj akademii, što raźmiaščajecca na adnajmiennaj vulicy.
Va ŭračystaj cyrymonii vźmuć udzieł pradstaŭniki Ministerstva abarony, kursanty Vajennaj akademii, baćki Dźmitryja.
Uviečary 28 žniŭnia 1999 hodu za niekalki kilametraŭ ad Drahičyna zahareŭsia pasažyrski ciahnik №660 «Bieraście — Miensk». Kursanty akademii, što viartalisia z adpačynku, u liku jakich byŭ i Dźmitry Hvišyani, stali akazvać dapamohu ŭ tušeńni pažaru. Hvišyani atrymaŭ mocnyja apioki, a praź niekalki dzion pamior u 432‑m špitali.
Za śmiełaść, prajaŭlenyja pry vyratavańni ludziej padčas pažaru, Dźmitry Hvišyani byŭ paśmiarotna ŭznaharodžany ordenam «Za asabistuju mužnaść». Zahadam ministra abarony kursant Hvišyani navieki zaličany ŭ śpisy asabistaha składu ahulnavajskavoha fakultetu Vajennaj akademii. Taksama na terytoryi akademii Dźmitryju pastavili pomnik. U rodnym Bieraści, dzie chłopiec u 1979 h. źjaviŭsia na śviet, u siaredniaj škole, što nosić jaho imia, adkryty pamiatny znak i aleja jaho imia.
