Kaśmičny zond «Kasini» pačaŭ vykanańnie finalnaj stadyi svajoj misii pa vyvučeńni Saturna.
Kaśmičny aparat ździejśniŭ pieršy ź piaci padlotaŭ da hetaj płaniety, nabliziŭšysia da jaje nastolki, kab dazvolić navukoŭcam atrymać unikalnyja źviestki ab jaje chimičnym składzie, paviedamlaje Bi-bi-si.
15 vieraśnia «Kasini» pavinien uvajści ŭ atmaśfieru Saturna i zhareć ŭ joj. Ciapier aparat prachodzić pa trajektoryi pamiž kolcami Saturna i vierchnimi płastami jaho atmaśfiery.
U paniadziełak 14 žniŭnia «Kasini» rekordna nabliziŭsia da płaniety - na adlehłaść 1600 km. Heta źnižeńnie dazvoliła zondu ŭziać proby hazaŭ vierchnich słajoŭ atmaśfiery.
Saturn na 75% składajecca z vadarodu, a astatniuju častku zapaŭniaje hielij i mikrakampanienty inšych elemientaŭ, tłumačyć Nikałas Altabielli ź Jeŭrapiejskaha kaśmičnaha ahienctva.
«Ciažejšy hielij pavinien apuskacca ŭniz, - tłumačyć navukoviec. - Saturn vypramieńvaje bolš enierhii, čym pahłynaje jaje ad Sonca; heta aznačaje, što pastupova hublajecca hravitacyjnaja enerhija. Atrymaŭšy dakładnyja źviestki ab kolkaści vadarodu i hieliju ŭ vierchnich płastach [atmaśfiery], možna atrymać ujaŭleńnie pra toje, jak hetyja elemienty raźmiarkoŭvajucca ŭnutry».
«Kasini» adpravić usiu atrymanuju infarmacyju na Ziamlu padčas nastupnaha sieansu suviazi ŭ aŭtorak.
Spusk u atmaśfiernyja płasty pryviadzie da źjaŭleńnia siły ciažaru, i «Kasini» daviadziecca zadziejničać svaje ruchaviki dla padtrymańnia stabilnaści. Adnak navukoŭcy miarkujuć, što hetyja vymušanyja vahańni aparata pieraadolnyja i jon zmoža spuścicca jašče nižej.
Hetaja kaśmičnaja stancyja prachodzić pa trajektoryi pamiž kolcami Saturna i vierchnimi płastami jaho atmaśfiery.
Tak, va ŭjaŭleńni mastaka, budzie vyhladać uvachod «Kasini» u atmaśfieru Saturna.
Z dapamohaj «Kasini» navukoŭcam jašče treba budzie znajści adkazy na šerah važnych pytańniaŭ z nahody Saturna, adzin ź jakich tyčycca daŭžyni śvietłavoha dnia na hetaj płaniecie.
Daśledčyki miarkujuć, što jon prykładna roŭny 10,5 hadzin, ale bolš dakładnaja ličba im nieviadomaja.
«Kasini» - heta sumiesny prajekt amierykanskaha, jeŭrapiejskaha i italjanskaha kaśmičnych ahienctvaŭ, jaki byŭ zapuščany 20 hadoŭ nazad.
Misija hetaha kaśmičnaha aparata padychodzić da kanca, pakolki ŭ jaho skančajucca zapasy paliva i ŭ chutkim časie jon stanie niekiravanym.
Navukoŭcy chočuć paźbiehnuć mahčymaha sutyknieńnia «Kasini» sa spadarožnikami Saturna Tytanam i Enceładam, na jakich tearetyčna moža być mikrobnaja forma žyćcia, i adziny sposab hetaha nie dapuścić - razburyć zond u ščylnych słajach atmaśfiery Saturna.
Na spadarožniku Saturna Enceładzie tearetyčna moža isnavać žyćcio.
