Viartańnie da piacibalnaj sistemy acenki viedaŭ prapanujecca abmierkavać u Biełarusi. Pra heta zajaviŭ žurnalistam vice-premjer Vasil Žarko pa vynikach rabočaj sustrečy z kiraŭnikom dziaržavy Alaksandram Łukašenkam, piša BiełTA.
«Dziesiać hadoŭ jak u krainie ŭviedziena dziesiacibalnaja sistema navučańnia. Šmat pytańniaŭ da dziesiacibalnaj sistemy. Heta i časam byvaje subjektyvizm u acency. I ŭ nas niama niezdavalniajučaj adznaki. Bo adzin bał — heta taksama acenka viedaŭ. Raniej (pry piacibalnaj sistemie) razumieli — adzinka, dvojka — heta niezdavalniajučyja adznaki. Tamu treba vynieści na abmierkavańnie hramadskaści. Moža być, i viarnucca da piacibalnaj sistemy», — skazaŭ vice-premjer.
«Kab kožny razumieŭ: čatyry, značyć, čatyry. Piać, značyć — vydatnik. Niama subjektyvizmu, - pryvioŭ prykład Vasil Žarko. — Što takoje 4 ź minusam, 4 i 4 ź plusam (pa staroj sistemie) — 6, 7, 8. Dzie miaža pamiž šaściorkaj i siamiorkaj, siamiorkaj i vaśmiorkaj?»
Vice-premjer adznačyŭ, što dla pieravodu na biudžetnuju formu navučańnia akramia ŭdziełu ŭ hramadskim žyćci i inšych kryteryjach patrebnyja adznaki jak minimum u 7 bałaŭ. «Adzin vykładčyk pastaviŭ 6, inšy pastaviŭ 7. Ale i tam čatyry, i tam čatyry (pa piacibalnaj sistemie)», — dadaŭ jon.
Alaksandr Łukašenka, vysłuchaŭšy prapanovu, padkreśliŭ, što hetaje pytańnie, pierš čym prymać jakoje-niebudź rašeńnie, nieabchodna vielmi dobra abmierkavać.
