Praz adroźnieńni ŭ canie ludzi mohuć ličyć adnolkavyja pa jakaści pradukty zusim roznymi. Hetuju źjavu nazyvajuć «markietynhavym efiektam płaceba».
Jak i ŭ vypadku ź lekavymi preparatami-pustyškami, efiekt źviazany nie z realnymi ŭłaścivaściami, a z tymi, što tolki prypisvajucca praduktu.
U chodzie raboty daśledčyki paraŭnali, jak roźnica ŭ košcie ŭpłyvaje na adpaviednyja adčuvańni ŭ mozhu, navat kali vino, jakoje pili respandenty, było niasmačnym. U ekśpierymiencie prymali ŭdzieł 15 mužčyn i 15 žančyn, siaredni ŭzrost jakich skłaŭ 30 hadoŭ.
Padčas dehustacyi daśledčyki z dapamohaj MRT sačyli za aktyŭnaściu mozhu ŭdzielnikaŭ. Da taho jak respandent kaštavaŭ vino, jamu pakazvali canu napoju, i tolki paśla hetaha vino pastupała ŭ rot čałavieka pa trubcy. Paśla hetaha ŭdzielnik, naciskajučy knopku, aceńvaŭ smak napoju pa dzieviacibalnaj škale. Pierad dehustacyjaj nastupnaha ŭzoru čałavieka prasili spałasnuć rot vadoj.
Pa słovach aŭtaraŭ, u efiektu płaceba jość svaje miežy. Kali, naprykład, vielmi nizkajakasnaje vino pradajuć za 100 jeŭra, to efiektu, vierahodna, nie budzie.
Daśledčyki davali respandentam čyrvonaje vino siaredniaj i vysokaj jakaści i pakazvali im ceńniki ŭ 3, 6 i 18 jeŭra.
Jak i čakałasia, respandenty zajavili, što vino z bolš vysokim koštam lepšaje za «tannaje», i ŭsio adno, ci treba było za jaho płacić, ci možna było pakaštavać biaspłatna.
