Viarchoŭny sud pryznačyŭ datu razhladu apielacyi pa spravie Danata Skakuna — minskaha himnazista, jakoha pryznali vinavatym u napadzie na nastaŭnicu ruskaj movy. Pasiadžeńnie adbudziecca praź miesiac, 19 vieraśnia.
Pra heta Jeŭraradyjo paviedamili svajaki Danata.
Trahiedyja ŭ staličnaj himnazii №74 adbyłasia 23 maja 2016 hoda. Zhodna z aficyjnaj viersijaj, padazravany dzieviacikłaśnik Danat Skakun zajšoŭ u kłas kala 8:20 ranicy, zakryŭ za saboj dźviery i napaŭ na 57-hadovuju nastaŭnicu ruskaj movy i litaratury.
Śledstva pa rezanansnaj spravie ciahnułasia amal 9 miesiacaŭ. 16-hadovaha chłopca sudzili za zakrytymi dźviaryma. Za zamach na zabojstva asoby ŭ suviazi z ažyćciaŭleńniem joj słužbovaj dziejnaści, učynieny z asablivaj žorstkaściu, himnazista pakarali 8 hadami źniavoleńnia.
