MUS Biełarusi prapanuje ŭładkoŭvać byłych asudžanych na sielskahaspadarčyja pradpryjemstvy, paviedamlaje BiełTA.
fota Tut.by
Meta — sacyjalnaja reabilitacyja zekaŭ. Adpaviedny zakonaprajekt znachodzicca ŭ stadyi raspracoŭki, zajaviŭ ministr unutranych spraŭ Ihar Šunievič.
Ministr prapanuje stvaryć u struktury kryminalna-vykanaŭčaj sistemy MUS śpiecyjalizavany kałhas.
«Pa-pieršaje, pracaŭładkavańnie budzie sadziejničać źnižeńniu recydyvu, pa-druhoje, dapamoža ludziam ulicca ŭ hramadstva, atrymlivać zarpłatu, budavać siemji, hadavać dziaciej, vypłačvać hrošy», — patłumačyŭ Ihar Šunievič.
U jakaści ekśpierymientalnaj bazy ŭžo abrana KSUP «Chutar-Ahra» pad Śvietłahorskam, rychtujucca dakumienty dla pravavoha rašeńnia.
Kali prajekt budzie pryznany paśpiachovym, jaho razhornuć na ŭsie vobłaści.
Płanujecca, što ŭsia vyrablenaja pradukcyja budzie vykarystoŭvacca dla patreb kryminalna-vykanaŭčaj sistemy MUS.
KSUP «Chutar-Ahra» stvorana ŭ lipieni 2016 hoda šlacham rearhanizacyi Śvietłahorskaha ahrapramysłovaha kiravańnia VA «Biełarusnafta». Asnoŭnym vidam dziejnaści źjaŭlajecca vytvorčaść małaka, miasa bujnoj rahataj žyvioły, zbožža i karmoŭ. Kolkaść rabotnikaŭ pradpryjemstva składaje bolš za 200 čałaviek.
