Łukašenka zapatrabavaŭ padniać zarobki ŭ sacyjalnaj śfiery, paviedamiŭ vice-premjer Vasil Žarko pa vynikach minułaj rabočaj sustrečy ŭ kiraŭnika dziaržavy. Pa słovach vice-premjera, da kanca hoda siarednija zarpłaty nastaŭnikaŭ i daktaroŭ pavinny skłaści 800 rubloŭ, a ŭ nastupnym hodzie - stać jašče bolšymi.
— Zarobak piedahoha, jak i zarobak doktara, pavinien być dastojnym. I zadaču prezident pastaviŭ. Jana pavinna być vykanana i ŭ hetym, i ŭ nastupnym hodzie, — zajaviŭ vice-premjer Vasil Žarko. — U hetym hodzie ŭ nas płanujecca 800 rubloŭ u siarednim pa halinie. I my abaviazany hetaha zarobku dasiahnuć da kanca hoda. U nastupnym hodzie zarpłata pavinna być bolšaj.
Pavodle jaho słoŭ, na sustrečy kiraŭnik dziaržavy padkreśliŭ, što nastaŭniki i ŭračy — heta asnova hramadstva, i nieabchodna ŭžo da kanca hoda padniać płanku siaredniaj zarpłaty, a taksama bolš ščylna zaniacca adpaviednym pytańniem u nastupnym hodzie.
Nahadajem, siaredniaja zarpłata rabotnikaŭ biudžetnych arhanizacyj u červieni skłała 624,7 rubla. Heta na 23,6 rubla, abo na 3,9% bolš, čym u mai. Pry hetym zarobki nastaŭnikaŭ u minułym miesiacy ŭpali, a daktaroŭ pieravysili 1000 rubloŭ.
Červieńskaja zarpłata biudžetnikaŭ adstaje ad siaredniaj pa krainie na 194,6 rubla.
Realnaja zarpłata biudžetnikaŭ u minułym miesiacy vyrasła na 3,2% u paraŭnańni z majskaj, paviedamlaje Tut.by
