Amierykanskija miedyki miarkujuć, što lidar KNDR Kim Čen Yn moža prymać steroidy, jakija vyklikajuć ahresiŭnyja pavodziny, paviedamlajuć infarmahienctvy sa spasyłkaj na partał Page Six.
«U miedycynskaj supolnaści šyroka abmiarkoŭvajecca mahčymaść, što jon (Kim Čen Yn) pakutuje na padahru», — paviedamiŭ žurnalistam lekar Rok Pazitana sa špitala śpiecyjalnaj chirurhii ŭ Ńju-Jorku.
Padahra viadomaja z hłybokaj staražytnaści jak «chvaroba epikurejcaŭ i karaloŭ», pakolki adnoj ź jaje pryčyn źjaŭlajecca niezbałansavanaja dyjeta. Dla lačeńnia padahry prymianiajucca, u pryvatnaści, steroidnyja preparaty, adznačyŭ miedyk.
«Hety chłopiec moža demanstravać «steroidnuju lutaść, — adznačyŭ Pazitana, spasyłajučysia na viadomy miedykam fienomien, jaki maje na ŭvazie źviazanuju z pryjomam anabaličnych steroidaŭ razdražnialnaść, ahresiŭnaść i ŭspyški hnievu.
Situacyja na Karejskim paŭvostravie abvastryłasia paśla abmienu rezkimi zajavami pamiž KNDR i ZŠA. Paŭnočnaja Kareja paabiacała vypuścić balistyčnyja rakiety ŭ rajon vostrava Huama, dzie raźmieščanaja amerykanskaja avijabaza Andersan i vajenna-marskaja baza Apra-Charborn. Prezident Tramp paabiacaŭ, što kali lidar KNDR Kim Čen Yn «zrobić niešta z Huamam, z Paŭnočnaj Karejaj adbudziecca takoje, čaho jašče nichto nikoli nie bačyŭ».
