Razhlad administracyjnaj spravy žurnalista «Biełsata» Stanisłava Ivaškieviča adbudziecca ŭ sudzie Lidskaha rajona 24 žniŭnia.
Karespandenta vinavaciać u «parušeńni zakanadaŭstva ab ŚMI» (č.2 art. 22.9 KaAP), jamu pahražaje štraf u pamiery da 50 bazavych vieličyń (1150 rubloŭ).
U dačynieńni da Ivaškieviča skłali administracyjny pratakoł za siužet «Vioska ŭ Lidskim rajonie tonie ŭ śvinym hnai», jaki vyjšaŭ u efir u prahramie «Abjektyŭ» 30 červienia.
Raniej Ivaškieviču pryjšoŭ pazoŭ u RAUS Lidy, kab «aznajomicca z materyjałami spravy», ale da milicyjantaŭ žurnalist tak i nie pryjšoŭ. Kopii administratyŭnaha pratakołu na rukach jon dahetul nie maje.
Stanisłaŭ Ivaškievič čakaje, što sud jaho aštrafuje.
«Ja razhladaju hety sud u kantekście ahulnaha pieraśledu svaich kalehaŭ-žurnalistaŭ, jakim zabaraniajuć zajmacca svajoj spravaj», — kaža jon u kamientary «Biełsatu».
Ivaškievič nahadvaje, što da niadaŭniaha času jon mieŭ akredytacyju MZS, ale niekalki miesiacaŭ tamu jaje skasavali. Žurnalist źviazvaje heta z vychadam materyjału ab karupcyi ŭ enierhietyčnaj śfiery ŭ Biełarusi.
«U mianie była akredytacyja, ale jaje nie praciahnuli paśla taho, jak u MZS pastupiła skarha ad Biełenierha. Z hetaha možna zrabić vysnovu, što kali žurnalisckaje rasśledavańnie maje rezanans, to ŭłady, zamiest taho, kab niešta vypraŭlać, pačynajuć uzmacniać cisk na žurnalistaŭ», — adznačyŭ jon.
