Rašeńnia ab časie pačatku ŭrokaŭ u škołach prymajuć sami administracyi ŭstanoŭ adukacyi, paviedamiła Sputnik pres-sakratar Ministerstva adukacyi Biełarusi Ludmiła Vysockaja.
«Jość rekamiendavanaje: dla škoł, jakija pracujuć u adnu źmienu, — 9:00 ranicy. Dalej užo vyrašajuć usio na miescach», - paviedamili Sputnik ŭ Minadukacyi.
U samym viedamstvie infarmacyi ab tym, jaki pracent škoł vyrašyli pieranieści pačatak urokaŭ na 9:00, niama. Baćki mohuć daviedacca raskład u administracyjach škoł - jany ŭžo pavinny byli vyznačycca z časam.
U ministerstvie padkreślili, što pry pryniaćci takoha rašeńnia administracyja škoły pavinna zychodzić vyklučna ź intaresaŭ dziaciej — ci buduć jany mocna stamlacca. Pieršymi ŭrokami rekamiendavana pravodzić tyja, jakija nie patrabujuć ad vučniaŭ surjoznaha napružańnia. Stavić na pieršy ŭrok kantrolnyja i pravieračnyja nielha.
Uviesnu čynoŭniki abjaŭlali, što bolš za 82% siarednich škoł u novym navučalnym hodzie piarojduć na prapanavany prezidentam hrafik, u krychu bolš za 17% ustanoŭ siaredniaj adukacyi pieršy zvanok praźvinić u 08:30 i mienš za pałovu adsotka škoł nie buduć pieranosić pačatak zaniatkaŭ.
