Narodnaja artystka Rasii Viera Hłaholeva pamierła na 62-m hodzie žyćcia, paviedamiła RIA «Naviny» siabroŭka artystki, aktrysa Łarysa Huziejeva.
«Moskovskij komsomolec» sa spasyłkaj na krynicu, blizkuju da siamji, paviedamlaje, što aktorka pamierła ŭ ZŠA. Pavodle źviestak haziety, pryčynaj śmierci mahło stać ankałahičnaje zachvorvańnie.
Hłaholeva naradziłasia ŭ 1956 hodzie ŭ Maskvie, a pieršy raz u kino źniałasia paśla zakančeńnia škoły. Ihrała ŭ karcinach «Vorahi», «Nie stralajcie ŭ biełych lebiedziaŭ», «Ab tabie», «U čaćvier i bolš nikoli». U 1990 hodzie Hłaholeva debiutavała ŭ jakaści režysiora, źniaŭšy film «Złamany śviet».
