26 žniŭnia ŭ Minsk pryviazuć čaścinku moščaŭ Maryi Mahdaliny. Takaja infarmacyja źjaviłasia na aficyjnym sajcie Biełaruskaj pravasłaŭnaj carkvy.
Śviataja roŭnaapostalnaja Maryja Mahdalina - adna z žanok-miranosic, pieršych śviedak Uvaskresieńnia Chrystova. Paśla ŭźniasieńnia Chrysta jana, pavodle carkoŭnaj historyi, była misijanierkaj u Halii i Rymie, za što była nazvanaja Carkvoj roŭnaapostalnaj.
Pamierła jana ŭ Efiesie, adkul u IX stahodździ jaje moščy byli pieraniesienyja ŭ Kanstancinopal. Paśla kryžovych pachodaŭ moščy śviatoj byli padzielenyja, bolšaja ich častka ciapier u Zachodniaj Jeŭropie. Adna z čaścinak była pieraniesienaja ź Bielhii ŭ Iljinski Adeski mužčynski manastyr, adkul i prybudzie 26 žniŭnia ŭ Minski Śviata-Duchaŭ kafiedralny sabor na pastajannaje zachoŭvańnie.
