Eks-prezident Hruzii i były hubiernatar Adeskaj vobłaści Michaił Saakašvili zajaviŭ, što vierniecca va Ukrainu 10 vieraśnia hetaha hoda ŭ supravadžeńni «žurnalistaŭ, deputataŭ i prostych ludziej».
Padčas anłajn-kanfierencyi Saakašvili zaklikaŭ svaich prychilnikaŭ sadziejničać jaho viartańniu i ahučyŭ numar haračaj linii, pa jakim jany mohuć atrymać adpaviednyja instrukcyi: u pryvatnaści, palityk dapuściŭ stvareńnie «žyvoha kalidora», jaki dapamoh by jamu pierasiekčy polska-ŭkrainskuju miažu.
Paśla vydańnia ŭkaza ab pazbaŭleńni Saakašvili hramadzianstva Ukrainy pradstaŭniki aficyjnaha Kijeva zajaŭlali, što ličać jaho ŭkrainskija dakumienty niesapraŭdnymi i nie dapuściać jaho na terytoryju krainy.
Raniej Saakašvili zajaŭlaŭ ab namierach viarnucca va Ukrainu i viarnuć sabie jaje pašpart u vyniku «mabilizacyi ludziej» na pratest.
