Čytajcie: Google kupiŭ biełaruskuju kampaniju Aimatter Mielničaka i Hurskaha
Kampanija Aimatter zajmajecca raspracoŭkaj dadatkaŭ, jakija dazvalajuć karystalnikam pahulacca sa svajoj źniešnaściu, źmianiŭšy koler vałasoŭ, a taksama redahavać sełfi,prymianiajučy roznyja fonavyja malunki i śpiecefiekty. Nie tak daŭno «Naša Niva» raskazvała pra adzin z hetych dadatkaŭ.
Čytajcie: Biełarusy stvaryli mabilny dadatak dla źmianieńnia koleru vałasoŭ
Źmianiŭšy koler vałasoŭ, možna padabrać sabie pryhožy fon i śpiecefiekty ŭ fota- i videaredaktary Fabby.
U kampanii nam paviedamili, što hetyja dva dadatki nikudy nie źniknuć z App Store i Play Market, jany zastanucca biaspłatnymi i dastupnymi dla ŭsich.
Suma ŭhody, jak i jaje padrabiaznaści, nie paviedamlajecca. Juryj Mielničak ličyć hetuju padzieju znakavaj dla krainy.
«Dalej biełaruskim kampanijam budzie lahčej rabić uvachod u mižnarodnyja kampanii i pryciahvać hrošy ad zamiežnych inviestycyjnych fondaŭ, jakija raniej vielmi naściarožana stavilisia da našaj jurysdykcyi, i praktyčna nichto nie inviestavaŭ u biełaruskija jurydyčnyja asoby», — kamientuje situacyju «Našaj Nivie» Juryj Mielničak.