Biełarusy z 1 studzienia 2018 hoda vyjduć na 100% uzrovień kampiensacyi zatrat pa ŭsich pasłuhach ŽKH.
Pra heta zajaviŭ ministr žyllova-kamunalnaj haspadarki Alaksandr Cierachaŭ na pašyranym pasiadžeńni prezidyuma Savieta Respubliki i Savieta pa ŭzajemadziejańni orhanaŭ miascovaha samakiravańnia pry vierchniaj pałacie parłamienta, paviedamlaje Tut.by sa spasyłkaj na BIEŁTA.
Ministr udakładniŭ, što z nastupnaha hoda biełarusy buduć apłačvać pa subsidavanych taryfach ciepłavuju enierhiju — aciapleńnie i haračaje vodazabieśpiačeńnie. Pa słovach Cierachava, heta samy značny punkt vydatkaŭ dla spažyŭcoŭ pry apłacie pasłuh ŽKH.
Ministr adznačyŭ, što vytvorčaść ciepłavoj enierhii taksama zastajecca davoli zatratnaj. «Praca pa źnižeńni sabiekoštu ciepłavoj enierhii nosić pryjarytetny charaktar», — skazaŭ jon.
Kiraŭnik Savieta Respubliki Michaił Miaśnikovič nazvaŭ rašeńnie pytańniaŭ ciepłazabieśpiačeńnia ŭ liku pryjarytetnych zadač. Jon kanstatavaŭ niedachopy ź sistemaj uliku adpuščanaj ciepłavoj enierhii. Jašče adna prablema, na jakoj akcentavaŭ uvahu śpikier, straty ŭ žyłym fondzie pry vypracoŭcy i transpartoŭcy ciepłanośbitaŭ.
Ministr ekanomiki Uładzimir Zinoŭski jašče ŭ pačatku minułaha hoda raspavioŭ ab płanach urada pa pierachodzie na poŭnaje pakryćcio nasielnictvam zatrat na akazańnie pasłuh ŽKH. 100-pracentnuju «kamunałku» biełarusam abiacali da kanca 2018 hoda, ale pra apłatu pasłuh pa pradastaŭleńni ciepłavoj enierhii tady ničoha nie kazałasia.
