2 vieraśnia ŭ litoŭskim Druskininkai adbudziecca rabočaja sustreča premjer‑ministra Litvy Hiedyminasa Kirkiłasa ź jaho biełaruskim kaleham Siarhiejem Sidorskim.
Na sustrečy buduć razhledžanyja aktualnyja pytańni dvuchbakovaha supracoŭnictva, u tym liku ŭ pytańniach enierhietyki, transpartu i tranzitu.
Aproč taho, planujecca što biełaruski premjer praviadzie sustrečy z bujnymi litoŭskimi pradprymalnikami nakont tematyki investycyjnaha ŭzajemadziejańnia, a taksama naviedie sanatoryi «Biełaruś» u Druskininkai, jaki znachodzicca va ŭłasnaści našaj krainy.
Nahadajem, što heta ŭžo druhaja padobnaja sustreča Sidorskaha ciaham leta. 11 lipienia ŭ budynku łatvijskaj pahranachovy na KPP «Urbany — Silenie» jon pravioŭ pieramovy z premjer-ministram Łatvii Ivarcam Hodmanisam.
Pra sustreču na miažy stała viadoma tolki 5 žniŭnia, kali Hodmanis paviedamiŭ žurnalistam, što dadzienyja pieramovy «ŭ dziaržaŭnych intaresach Łatvii».
Varta adznačyć, što ŭ prybałtyjskich krainach ciapier usio bolš hučnymi stanoviacca hałasy, jakija patrabujuć pierahladu stasunkaŭ ź Biełaruśsiu. Najpierš u hetym zacikaŭlenyja pradstaŭniki bujnoha biznesu, jakija chočuć pryjści na biełaruski rynak.
