Chakiery ŭzłamali akaŭnty amierykanskaha zabaŭlalnaha telekanała HBO ŭ «Fejsbuku» i «Tvitary». Raniej kamputarnym złamyśnikam udałosia atrymać dostup da siervieraŭ kampanii, paviedamiła Bi-bi-si.
Za ŭzłomam sacsietak HBO, u tym liku aficyjnych akaŭntaŭ viadomych sieryjałaŭ nakštałt «Hulni tronaŭ», jak miarkujecca, staić hrupa, jakaja nazyvaje siabie OurMine.
U adnym z paviedamleńniaŭ havorycca «Tut pabyvaŭ OurMine. My tolki praviarajem biaśpieku vašaj sistemy».
Heta čarhovaje fijaska dla kanała ŭ šerahu chakierskich uzłomaŭ, u vyniku jakich u siecivie apynulisia scenary jašče nie pakazanych sieryj «Hulni tronaŭ» i kanfidencyjnyja źviestki kampanii.
«Pryvitańnie, tut OurMine, i my praviarajem vašyja miery biaśpieki. HBO, kali łaska, źviažyciesia z nami, kab palepšyć vašu biaśpieku», - napisali chakiery ŭ «Tvitary» kanała
Chakiery z OurMine užo viadomyja ŭzłomam papularnych tvitar-akaŭntaŭ.
Letaś heta byli mikrabłohi kampanii Netflix, adnaho z zasnavalnikaŭ Wikipedia Džymi Vejłsa, kiraŭnika Facebook Marka Cukierbierha i dyrektara Google.
