Raśsielhasnahlad uvodzić novyja «miery abmiežavalnaha charaktaru» ŭ dačynieńni da šerahu biełaruskich pradpryjemstvaŭ.
«Savuškaŭ» naležyć Alaksandru Mašenskamu.
Adpaviednaja infarmacyja apublikavanaja na sajcie rasijskaha viedamstva.
Ad 18 žniŭnia časova ŭvodziacca abmiežavańni na pastaŭku ŭ Rasiju pradukcyi čatyroch biełaruskich pradpryjemstvaŭ:
1. AAT «Vitkonpradukt» (paŭtornaje vyjaŭleńnie reštkaŭ tetracyklinu ŭ miasie ptuški);
2. AAT «Małočnyja horki» (paŭtornaje vyjaŭleńnie ŭ pitnym małace reštkaŭ linkamicynu);
3. AAT «Rahačoŭski MKK» (paŭtornaje vyjaŭleńnie ŭ zhuščanym małace reštkaŭ linkamicynu);
4. AAT «Savuškaŭ produkt» (paŭtornaje vyjaŭleńnie ŭ suchoj małočnaj syrovatcy reštkaŭ tyłazinu).
Pradukcyja, adhružanaja ŭ RF raniej za 18 žniŭnia, projdzie mytniu ŭ zvyčajnym režymie.
Taksama za vyjaŭlenyja parušeńni ad 17 žniŭnia ŭvodzicca režym uzmocnienaha łabaratornaha kantrolu pradukcyi jašče piaci pradpryjemstvaŭ:
1. SP TAA «Bak» (reštki tetracyklinu ŭ bujnakavałkavych paŭfabrykatach ź jałavičyny);
2. SAAT «Biełaviežskija syry» (reštki salinamicynu ŭ syry);
3. AAT «Babrujski miasakambinat» (reštki tetracyklinu ŭ bujnakavałkavych paŭfabrykatach ź jałavičyny);
4. AAT «Zdravuška-Miłk» (vyjaŭleńnie ŭ małace reštkaŭ tyłazinu i cyprafłaksacynu);
5. AAT «Minski małočny zavod № 1» (vyjaŭleńnie ŭ małace reštkaŭ linkamicynu).