Hałoŭnym padazravanym u najeździe na ludziej na piešachodnaj vulicy ŭ centry Barsiełony źjaŭlajecca 17-hadovy Musa Ukabir. Pra heta paviedamlaje hazieta El Mundo ŭ piatnicu, 18 žniŭnia.
Jak piša vydańnie, palicyja sfakusavanaja na pošuku maładoha čałavieka, jakoha ličać niepasrednym vykanaŭcam teraktu. Adznačajecca, što paśla napadu jamu ŭdałosia schavacca, pry hetym svoj tvar jon prykryvaŭ kiepkaj. Pa dadzienych pravaachoŭnych orhanaŭ, padazravany moža być uzbrojeny.
Musa — brat zatrymanaha paśla teraktu žychara Katałonii Drysa Ukabira. Pa asnoŭnaj viersii, małady čałaviek skraŭ u starejšaha svajaka pašpart, paśla čaho arandavaŭ na jaho imia dva furhony ŭ municypalitecie Santa-Pierpietua-de-Mahoda. Adzin ź ich byŭ vykarystany niepasredna dla ździajśnieńnia teraktu, druhi znajšli paśla napadu ŭ horadzie Vik pad Barsiełonaj. Jak miarkujecca, na im złamyśnik źbiraŭsia źbiehčy.
