Ekstrany samit Jeŭrasajuza pa situacyi ŭ Hruzii pačaŭsia 1 vieraśnia ŭ Brusieli, paviedamlaje RIA Novosti.
Čakajecca, što kiraŭniki 27 krain — členaŭ ES zajaviać ab palityčnaj i ekanamičnaj padtrymcy Hruzii, a taksama asudziać Rasiju za jaje dziejańni ŭ Paŭdniovaj Asiecii i nastupnaje pryznańnie niezaležnaści hetaj respubliki, a taksama Abchazii.
Pavodle infarmacyi brytanskaha telekanała «Bi-bi-si», udzielniki samita razhledziać dva prajekty rezalucyi — polski, jaki praduhledžvaje ŭviadzieńnie finansava-ekanamičnych sankcyj adnosna Rasii, a taksama italjanski, jaki abmiažoŭvajecca maralnym asudžeńniem dziejańniaŭ Maskvy.
Polšča i krainy Bałtyi płanavali zaprasić na samit prezidenta Hruzii Michaiła Saakašvili, ale hetaja prapanova była zabłakavanaja Francyjaj.
