Kiraŭnik Biełarusi vykazaŭ spačuvańni karalu Ispanii Filipu VI, rodnym zahinułych i paciarpiełych u vyniku teraktaŭ u Barsiełonie i Kambrylsie. Pra heta BiełTA paviedamili ŭ pres-słužbie biełaruskaha lidara.
Kiraŭnik dziaržavy padkreśliŭ, što biełaruski narod smutkuje razam z usimi ispancami. «Na žal, dziela dasiahnieńnia svaich metaŭ, čužych sučasnamu hramadstvu, fanatyčna nastrojenyja asoby vykarystoŭvajuć žorstkija, biesčałaviečnyja i adnačasova bajaźlivyja sposaby, skiravanyja suprać mirnych niavinnych hramadzian. Ich dziejańni nie majuć apraŭdańnia, a sami jany zasłuhoŭvajuć spraviadlivaha i surovaha pakarańnia», - havorycca ŭ spačuvańni.
Alaksandr Łukašenka vykazaŭ upeŭnienaść, što ispanski narod mužna pieraniasie hetyja vyprabavańni i zdoleje źbierahčy zdabytyja demakratyčnyja kaštoŭnaści i adzinstva nacyi.
