Da Ziamli nabližajecca najbujniejšy asteroid ad pačatku sistematyčnych nazirańniaŭ NASA za patencyjna niebiaśpiečnymi kalapłanietnymi abjektami (kaniec 1980-ch hadoŭ). Ab hetym paviedamlajecca na sajcie amierykanskaha kaśmičnaha ahienctva.
Abjekt (3122) Fłorens nablizicca na minimalnuju adlehłaść da Ziamli (siem miljonaŭ kiłamietraŭ abo 18 adlehłaściaŭ pamiž Ziamloj i Miesiacam) 1 vieraśnia 2017 hoda. U dyjamietry asteroid dasiahaje piaci kiłamietraŭ.
«Mnohija viadomyja asteroidy padychodzili bližej da Ziamli, čym Fłorens 1 vieraśnia, ale ŭsie jany byli mienšyja, - skazaŭ Poł Chodas z Centra daśledavańniaŭ kalaziamnych abjektaŭ NASA. Fłorens - najbujniejšy asteroid, jaki padydzie da Ziamli tak blizka za ŭvieś čas, što dziejničaje prahrama NASA pa vyjaŭleńni i adsočvańni kalaziamnych asteroidaŭ».
(3122) Fłorens nie ŭjaŭlaje niebiaśpieki dla Ziamli. Raniej abjekt zbližaŭsia z płanietaj u 1890 hodzie. Asteroid adkryty ŭ 1981 hodzie. Jaho možna budzie nazirać u kancy žniŭnia i pačatku vieraśnia praz teleskop u suzorjach Paŭdniovaj Ryby, Kaziaroha, Vadaleja i Delfina.
