Dva čałavieki zahinuli, siem paciarpieli paśla taho, jak nieviadomy paraniŭ ŭ piatnicu nažom niekalkich minakoŭ u centry Turku. Pra heta paviedamiŭ na pres-kanfierencyi pradstaŭnik palicyi Finlandyi.
«my možam paćvierdzić, što heta dzieviać čałaviek. Dvoje ź ich pamierli», - skazaŭ jon.
U viedamstvie adznačyli, što ŭ ramkach rasśledavańnia teraktu jość adzin padazravany. Ciapier jon znachodzicca ŭ špitali. Pavodle źviestak MUS, jon nie źjaŭlajecca hramadzianinam Finlandyi, piša TASS.
Palicyjanty ŭ finskim horadzie Turku (jon ža Abo) adkryli ahoń pa mužčynu, jaki da hetaha ŭdaryŭ nažom niekalki čałaviek, paśla čaho zatrymali jaho. Paviedamlajecca, što napadnik paranieny ŭ nahu, paviedamlaje Bi-bi-si.
Pavodle infarmacyi pravaachoŭnych orhanaŭ, incydent adbyŭsia na handlovaj płoščy Puutory ŭ centry horada.
Hazieta Ilta Sanomat piša sa spasyłkaj na vidavočcaŭ, što ŭ Turku mužčyna, uzbrojeny nažom, napaŭ na minakoŭ, «sprabujučy ŭdaryć nažom ŭsich sustrečnych».
Vydańnie paviedamlaje sa spasyłkaj na vidavočcaŭ, što mužčyna napaŭ na žančynu ź dziciačaj kalaskaj.
Finskaja viaščalnaja kampanija YLE paviedamlaje sa spasyłkaj na vidavočcaŭ, što ŭ centry horada na płoščy lažyć čałaviek biez prykmiet žyćcia, jašče dva čałavieki paranienyja.
Pierad hetym byli čuvać «streł ci streły», piša YLE. Palicyja prosić haradžan paźbiahać centra Turku.
Napiaredadni pa mienšaj miery 14 čałaviek zahinuli i kala 130 atrymali traŭmy pad kołami furhona, jaki prajechaŭ bolš za 500 mietraŭ pa piešachodnym bulvary Rambła ŭ turystyčnym centry Barsiełony.
