U Śvisłackim rajonie Hrodzienskaj vobłaści śviakroŭ spaliła aŭtamabil, jaki zastaŭsia niaviestcy ad jaje syna, paviedamlaje uvd.grodno.by. Piensijanierka 1930 hoda naradžeńnia zrabiła heta, bo nie zmahła źmirycca z tym faktam, što transpartny srodak (hruzavy Miersiedes) zastaniecca ŭ hetaj nienavisnaj pradstaŭnicy słabaha połu.
Jak patłumačyŭ načalnik kryminalnaj milicyi Śvisłackaha RAUS Alaksandr Jakimčyk, niekalki hadoŭ tamu haspadar mašyny pamior, i na jaje stała pretendavać šyrokaje koła svajakoŭ, u tym liku maci niabožčyka i jaho žonka. Faktyčna aŭtamabil stajaŭ kala jaje doma, i piensijanierka jašče raniej zamachvałasia na jaho — pabiła šybu i lusterki. A ciapier uziała kanistru ź bienzinam, abliła aŭtamabil i padpaliła. Ahoń paškodziŭ kabinu i matorny adsiek.
Kryminalnaja sprava raspačataja pa artykule «Naŭmysnyje źniščeńnie abo paškodžańnie majomaści».
