15 sutak palityk atrymaŭ za šeście 3 lipienia. Jaho zavočna asudzili 9 žniŭnia, adnak zatrymali tolki 26 žniŭnia.
Mikoła Statkievič na akcyi 3 lipienia
28 žniŭnia Maryna Adamovič, žonka Mikoły Statkieviča, paviedamiła, što jaje mužu nakinuli jašče 5 sutak za akcyju 30 sakavika.
Akazałasia, što nibyta jašče 15 maja sud Maskoŭskaha rajona prysudziŭ Mikałaju tyja 5 sutak z takoj farmuloŭkaj: «Za ŭdzieł u niesankcyjanavanym masavym mieraspryjemstvie — zbory la Akreścina, dzie 7 čałaviek razharnuli i trymali ciaham 1 chviliny bieł-čyrvona-biełaje pałotnišča», - raspaviała «Našaj Nivie» Maryna Adamovič. — Try miesiacy pra hety «prysud» nichto nie čuŭ i nie viedaŭ».
Takim čynam, Statkievič praviadzie za kratami 20 sutak.
Chutčej za ŭsio, zatrymańnie Statkieviča źviazana ź jaho płanami pravieści 8 vieraśnia akcyju «papiaredžańnia rasijskaj ahresii», nakiravanuju suprać sumiesnych biełaruska-rasijskich vučeńniaŭ. Akcyja płanavałasia na Kastryčnickaj płoščy.
