Jak stała viadoma «Biełaruskamu partyzanu» ź nieaficyjnych krynic, na svabodu paśla praciahłaha znachodžańnia ŭ kałonii vyjšaŭ adzin z byłych lidaraŭ kryminalnaha śvietu Biełarusi Mikałaj Sałdacienka, jon ža Kola Sałdat.
Sałdacienku zatrymali letam 2007 hoda ŭ Padmaskoŭi, a ŭ 2009 hodzie Viarchoŭny sud Biełarusi prysudziŭ jaho da 11 hadoŭ pazbaŭleńnia voli z kanfiskacyjaj majomaści i adbyvańniem pakarańnia va ŭmovach ŭzmocnienaha režymu.
Pa spravie Sałdat prachodziŭ jak aktyŭny ŭdzielnik viadomaj Bandy Marozava. Jamu inkryminavalisia art. 285 KK (stvareńnie i ŭdzieł u złačynnaj arhanizacyi). Adnak pa hetym artykule spravy ŭ dačynieńni da aŭtaryteta spynili ŭ suviazi sa skančeńniem terminu daŭnaści. Sieŭ Kola Sałdat pa č.3 art. 208 KK — za vymahalnictva. Razam ź im byli asudžanyja jašče čatyry čałavieki.
Na volu 63-hadovy Sałdacienka vyjšaŭ na hod raniej.
Da 1998 hoda Kola Sałdat byŭ kryminalnym aŭtarytetam, jaki kuryravaŭ Homielskuju vobłaść i, pa dadzienych apieratyŭnikaŭ, uznačalvaŭ złačynnuju hrupu, jakaja kantralavała ździełki siaredniaha biznesu, u tym liku na rynku naftapraduktaŭ, a taksama niezakonnyja apieracyi na VA «Kryštal».
