U siaredzinie žniŭnia ŭ Siryi zahinuŭ rasijski vajenny, aranburžac Alaksandr Jahafaraŭ, paviedamlaje vydańnie OrenDay.ru sa spasyłkaj na svajakoŭ zahinułaha. Uvahu na heta źviarnuli rasśledavalniki arhanizacyi Conflict Intelligence Team (CIT).
Pavodle infarmacyi miascovaha vydańnia, mašyna, u jakoj znachodziŭsia Jahafaraŭ, padarvałasia na fuhasie 11 žniŭnia. Na staroncy va «Ukantakcie» u karystalnika pad imiem Aleks Jahafaraŭ apošnija fatahrafii supravadžajucca spačuvańniami jaho siabroŭ i znajomych, vynikaje sa skrynšota CIT. Sam jon vychodziŭ na suviaź praz sacsietku 9 červienia.
OrenDay.ru pakazvaje, što cieła Jahafarava pryvieźli ŭ Arenburh u subotu, 26 žniŭnia. Jamu paśmiarotna dali niekalki dziaržaŭnych uznaharod. Jahafarava chavali na nastupny dzień, u niadzielu, 27 žniŭnia, u zakrytaj trunie.
Vydańnie taksama padkreślivaje, što małady čałaviek «nieadnarazova vypraŭlaŭsia ŭ haračyja kropki». Pajezdka ŭ Siryju, jak jon raspaviadaŭ svaim rodnym, pavinna była stać jaho apošniaj kamandziroŭkaj.
