Fota: svaboda.org
Čarhovy skandał dniami zdaryŭsia ŭ Biełaruskaj sacyjał-demakratyčnaj partyi «Hramada». Niekatoryja siabry partyi na pasiedžańnie CK pryjšli z płakatami «Bandu heć!», «Pieramožam Vieštard — pieramožam Łukašenku!», paviedamlaje Jeŭraradyjo sa spasyłkaj na «Biełaruski partyzan».
U vyniku kanfliktu šeść čalcoŭ CK pakinuła pasiadžeńnie na znak pratestu suprać staršyni partyi Iryny Vieštard.
Kamientujučy zdareńnie, kiraŭnica BSDP zajaviła, što kanflikt pamiž joj i niekatorymi partyjcami ciahniecca daŭno. Pryčynu jana bačyć u dziejnaści kampanii «Havary praŭdu».
«U svoj čas ja vykazała, skažam miakka, ździŭleńnie, što Taćciana Karatkievič idzie ŭ prezidenty nie ad našaj partyi, nie sa zhody źjezda, a vyłučajecca ad kampanii «Havary praŭdu!». Urešcie, heta hrubaje parušeńnie statuta partyi. Nu, i ŭvieś churał pačaŭsia mienavita z hetaha momantu. Niekatoryja chacieli, kab partyja pracavała vyklučna na Karatkievič, na jaje prezidenckija ambicyi. U nas byli ludzi, jakija adkryta pracavali ŭ kampanii «Havary praŭdu!». Ale pry hetym jany źjaŭlalisia siabrami našaj partyi! Ja liču, što heta niapravilna. A Karatkievič, kali padavała dakumienty ŭ Centrvybarkam, naohuł nie ŭkazała, što znachodzicca ŭ našaj partyi. Moža, jana ličyła, što vybarščykam biespartyjnaja bolš spadabajecca. Nie viedaju… My rascanili hety fakt jak sychod z partyi», — patłumačyła Vieštard.
Pa jaje słovach, na pasiadžeńni CK musiła razhladacca vyklučeńnie sa składu prezidyŭma čałavieka, jaki aktyŭna pracavaŭ na «Havary praŭdu!». Vieštard kaža, što hety čałaviek nieetyčna vykazvaŭsia pra kiraŭnictva partyi. «Kali ty ŭvachodziš ŭ kirujučy orhan partyi, ty prosta nie maješ prava tak siabie pavodzić», — miarkuje jana.
Vieštard dadała, što na bližejšym źjeździe jana nie budzie vyłučać svaju kandydaturu na vybarach staršyni partyi. «Ale heta nie aznačaje, što ja stanu zusim abyjakava stavicca da taho, jak partyja budzie raźvivacca dalej», — kaža palityk.
