Bolš za 100 čałaviek špitalizavanyja ŭ vyniku atručeńnia nieviadomym chimičnym rečyvam na poŭdni Anhlii ŭ hrafstvie Uschodni Saseks, paviedamlajeVVS.
Fota: Eddie Mitchell
U niadzielu ludzi, jakija adpačyvali na plažy Birlinh Hep, stali skardzicca na ŭskładnienaje dychańnie, paleńnie ŭ vačach i vanity.
Vidavočcy raspaviadali, što vobłaka pryjšło z boku mora, u pavietry ŭ hety čas adčuvaŭsia pach chłoru.
Vyratavalnyja słužby praviali evakuacyju i nakiravali ŭ balnicy 133 čałavieki. Palicyja hrafstva pačała rasśledavańnie.
U minułym padobnyja incydenty byli vyklikanyja ŭciečkami z pramysłovaha pradpryjemstva ŭ Francyi, ale paćvierdžańnia hetaj infarmacyi pakul niama.
U pažarna-vyratavalnaj słužbie Uschodniaha Saseksa adznačyli, što «atručeńnie chłoram vielmi małaimaviernaje», bo nastupstvy atručeńnia byli b značna bolš surjoznyja.
Ludziam, jakija žyvuć na ŭźbiarežžy, rekamiendavana pakul trymać vokny i dźviery začynienymi i pa mahčymaści nie vychodzić z domu.
