U Kienii ź siońniašniaha dnia pačała dziejničać zabarona na polietylenavyja pakiety, paviedamlajuć infarmahienctvy.
Adznačajecca, što z hetaha času za prodaž, kuplu i vykarystańnie padobnych pakietaŭ parušalnikam mohuć vypisać štraf da $38 tysiač abo zaklučyć ich pad vartu na termin da 4 hadoŭ. Miascovyja ŭłady čakajuć, što takija miery dazvolać abaranić navakolnaje asiarodździe ad zabrudžvańnia.
Turysty, jakija pryjazdžajuć u Kieniju, pavinny buduć zdavać polietylenavyja pakiety ŭ aeraporcie.
Zabarona na polietylenavyja pakiety była zaćvierdžanaja ŭ Kienii tolki z treciaj sproby. Novaŭviadzieńnie sustreła burny supraciŭ vytvorcaŭ, jakija pryvodzili źviestki, što praź jaho mohuć stracić pracu kala 80 tysiač čałaviek.
Pavodle roznych acenak, žychary Kienii vykarystoŭvajuć da 24 młn pakietaŭ u miesiac. Raniej zabaronu na polietylenavyja pakiety ŭviali ŭ šerahu inšych afrykanskich krain: u PAR, Ruandzie i Erytrei.
Nahadajem, płastykavy posud i pakiety zabaranili taksama ŭ Šry-Łancy.
