Niaščasny vypadak adbyŭsia 23 žniŭnia na małočna-tavarnaj fiermie AAT «Vulkaŭski śvitanak». U pamiaškańni karoŭnika ŭ bunkiery zdrabnialnika razdatčyk karmoŭ byŭ znojdzieny trup mašynista-traktarysta 1988 hoda naradžeńnia, paviedamiŭ BIEŁTA načalnik Bresckaha abłasnoha ŭpraŭleńnia Departamienta dziaržaŭnaj inśpiekcyi pracy Valancin Pravatoraŭ.
«Infarmacyja ab śmiarotnym vypadku na terytoryi AAT pastupiła ad najmalnika. Na miesca zdareńnia vyjazdžali pradstaŭniki ŭpraŭleńnia Departamienta dziaržaŭnaj inśpiekcyi pracy, Śledčaha kamiteta. Pa dadzienym fakcie pravodzicca pravierka, vyvučajucca ŭsie viersii zdareńnia», — adznačyŭ Valancin Pravatoraŭ.
Pavodle jaho słoŭ, nie vyklučana, što rabočy zalez u bunkier na karmavuju masu, kab pasunuć nahoj zachrasłuju sumieś. Jon pasprabavaŭ heta zrabić, nie adklučajučy vał adboru mahutnaści, pry pracujučych šnekach kormarazdatčyka i byŭ zaciahnuty łopaściami ŭ rabočuju prastoru bunkiera.
