Polskamu radyjo staŭ viadomy źmiest lista, jaki ŭrad Polščy adpraviła ŭ Brusiel u adkaz na abvinavačvańni pa spravie ab sudovaj reformie. U kancy lipienia Jeŭrapiejskaja kamisija pastaviła pad sumnieŭ zakony ŭ ramkach sudovaj reformy, jakaja pravodzicca ŭ Polščy.
U 12-staronkavym liście da Jeŭrakamisii havorycca ab tym, što sudovaja reforma ŭ Polščy — heta adkaz na nadzionnyja čakańni hramadstva, jakija narastajuć na praciahu mnohich hadoŭ.
«Hłyboki niedavier palakaŭ da orhanaŭ pravasudździa — heta niebiaśpiečnaja i biesprecedentnaja ŭ raźvitych demakratyčnych dziaržavach situacyja», — havorycca ŭ liście MZS Polščy.
Akramia taho, aficyjnaja Varšava zajaviła, što kožnaja kraina maje prava ŭnosić źmieny ŭ funkcyjanavańnie sudovaj sistemy, i Jeŭrapiejskaja kamisija nie maje paŭnamoctvaŭ, kab hetyja źmieny aceńvać.
Polski ŭrad taksama nahadaŭ, što ŭ siłu ŭstupili tolki padpisanyja prezidentam zakony — ab sudach ahulnaj jurysdykcyi i Nacyjanalnaj škole sudavodstva. U liście padkreślena, što hetyja zakony nie ŭjaŭlajuć pahrozy dla niezaležnaści sudoŭ i viaršenstva prava ŭ Polščy.
