Zamiežny dziaržaŭny doŭh Biełarusi z pačatku hoda vyras z ulikam kursavych roźnic na 14,3%, abo na 2 miljardy dalaraŭ, da 15,6 miljarda dalaraŭ na 1 žniŭnia, paviedamlaje Ministerstva finansaŭ.
Uvieś dziaržaŭny doŭh Biełaruś na 1 žniŭnia 2017 hoda skłaŭ 39,8 miljarda rubloŭ, pavialičyŭšysia ŭ paraŭnańni z pačatkam hoda na 2,8 młrd rubloŭ, abo na 7,6%.
U studzieni-lipieni dziaržava pryciahnuła źniešnija pazyki na 2,573 młrd dalaraŭ. Asnoŭny abjom, 1,4 młrd dalaraŭ, - heta srodki ad raźmiaščeńnia jeŭraablihacyj. Bujnymi kredytorami vystupili taksama Jeŭrazijski fond stabilizacyi i raźvićcia (dva tranšy na 600 młn dalaraŭ), urad i banki Rasii (300400000 dalaraŭ), banki Kitaja (176,6 młn dalaraŭ), Mižnarodny bank rekanstrukcyi i raźvićcia (92,6 młn dalaraŭ), JEBRR (2,9 młn).
Na pahašeńnie źniešniaha dziaržaŭnaha doŭhu Biełaruś za siem miesiacaŭ nakiravała 653 młn dalaraŭ (uradu RF - 226,8 młn dalaraŭ, JEFSR - 176,6 młn dalaraŭ, bankam Kitaja - 217,5 młn, MBRR - 31,2 młn, ZŠA - 0, 7 młn, JEBRR - 0,2 młn).
Unutrany dziarždoŭh z pačatku hoda pamienšyŭsia na 0,7 młrd rubloŭ, abo na 7%, da 9,5 młrd rubloŭ.
