sk.gov.by
Śledstva raźbirajecca ŭ abstavinach avaryi ŭ Maładziečanskim rajonie, u vyniku jakoj dva čałavieki zahinuli, jašče piaciora špitalizavanyja, paviedamlaje SK.
Maładziečanski RASK raspačaŭ kryminalnuju spravu pa fakcie parušeńnia PDR, što paciahnuła pa nieaściarožnaści śmierć dvuch čałaviek (č.3 art.317 KK RB).
«Siońnia ranicaj na 67-m km aŭtadarohi Minsk — Maładziečna — Narač u v. Krynica adbyłosia łabavoje sutyknieńnie dvuch aŭtamabilaŭ. Pa papiarednich dadzienych, kiroŭca lehkavoha aŭtamabila «Reno» ruchaŭsia ŭ napramku Maładziečna i nie spraviŭsia z kiravańniem. Lehkavik vyjechaŭ na sustrečnuju pałasu i sutyknułasia z hruzavym furhonam «Miersedes», — havorycca ŭ paviedamleńni SK.
sk.gov.by
U vyniku DTZ kiroŭca i pasažyr «Reno» zahinuli na miescy. Jašče dvoje pasažyraŭ, jakija znachodzilisia ŭ aŭtamabili, špitalizavany ŭ reanimacyjnaje adździaleńnie. Kiroŭca i dva pasažyry aŭtamabila «Miersedes» taksama dastaŭleny ŭ balnicu dla akazańnia miedycynskaj dapamohi.
