Na pres-kanfierencyi ŭ padmaskoŭnym Centry padrychtoŭki kasmanaŭtaŭ jon raspavioŭ, jak padčas minułaj ekśpiedycyi, pracujučy za bortam MKS, kasmanaŭty zdymali proby z vonkavaj pavierchni stancyi na pradmiet najaŭnaści tam bijałahičnaha žyćcia.
«I kali źbiraŭ uzory, ja dumaŭ: nu što tam moža być žyvoha? Pierapady tempieratur ad minus sta da plus sta hradusaŭ, adsutnaść zvykłaj ježy ŭ našym razumieńni, žorstkaja radyjacyja. Jakoje bijałahičnaje tam žyćcio moža być? I raptam akazałasia, što jano jość! Viadoma ž, jano zaniesienaje ź Ziamli. Ale sam fakt taho, što niešta, pryniesienaje z našaj płaniety, zmahło vyžyć u adkrytym kosmasie, kaža pra toje, što kali mikraarhanizmy ŭ stanie heta pieražyć, to, mahčyma, samo žyćcio na Ziamli źjaviłasia takim ža čynam», — miarkuje kasmanaŭt.
Misurkin vielmi raźličvaje, što padčas nastupnaha vychadu ŭ adkryty kosmas pa rasijskaj prahramie, pryznačanaha na studzień 2018 hoda, na źniešniaj pavierchni MKS znoŭ atrymajecca sabrać žyćcieŭstojlivyja formy bakteryj.
«Navat našy mikrabijołahi padkreślivajuć histaryčnuju važnaść hetaha pytańnia. Padčas pazakarabielnaje dziejnaści ŭ studzieni ja znoŭ vaźmu novyja proby i budu z zadavalnieńniem pracavać z navukoŭcami ŭ hetym kirunku», — skazaŭ na zakančeńnie kamandzir novaha ekipaža MKS.
