U Vieniesuele palityk Sajdarya Ramires vyrašyŭ aryhinalnym sposabam paprasić ruku i serca svajoj dziaŭčyny padčas sustrečy z papam Franciškam, paviedamlajuć infarmahienctvy.

Ramires znachodziŭsia na pryjomie ŭ katalickich zakanadaŭcaŭ, dzie prysutničali delehacyi z usiaho śvietu i papa Francišak. Na sustrečy maładoha palityka supravadžała jaho dziaŭčyna Maryjan Eśpinal.

Ramires niekalki chvilin razmaŭlaŭ z pantyfikam pra palityčnuju situacyju ŭ Vieniesuele, a zatym niečakana apuściŭsia na adno kalena.

«Ja pačaŭ kazać śviatomu ajcu, što pobač sa mnoj znachodzicca žančyna ŭsiaho majho žyćcia. Ja sustreŭ jaje ŭ carkvie i Boh pasłaŭ mnie jaje. Ja b chacieŭ, kab jana stała majoj žonkaj», — skazaŭ paźniej palityk.

Pantyfik z uśmieškaj adreahavaŭ na dziejańni maładoha čałavieka, taksama jak i ŭsie prysutnyja vakoł. Dziaŭčyna ničoha nie viedała ab tym, što rychtujecca siurpryz, i razhubiłasia, ale nie zmahła admović Ramiresu, tym bolš u prysutnaści papy Franciška.

Клас
0
Панылы сорам
0
Ха-ха
0
Ого
0
Сумна
0
Абуральна
0