Pytańniem mahčymaha viartańnia va Ukrainu byłoha staršyni Adeskaj abłasnoj administracyi Michaiła Saakašvili, pazbaŭlenaha hramadzianstva, pavinny zajmacca MUS, mihracyjnaja i pamiežnaja słužby.
Pra heta zajaviŭ prezident Ukrainy Piatro Parašenka na bryfinhu ŭ Charkavie, paviedamlaje «Ukrinform».
«Da Saakašvili buduć stavicca hetak ža, jak i da luboj asoby, jakaja padała niedakładnyja dadzienyja. Tamu pytańniem mahčymaha viartańnia Saakašvili va Ukrainu pavinny zajmacca MUS, mihracyjnaja i pamiežnaja słužby», — adznačyŭ Parašenka.
Jak adznačyŭ prezident, kali Dziaržaŭnaja mihracyjnaja słužba padała ŭ kamisiju pa pytańniach hramadzianstva dakumienty, jakija pakazali, što pry afarmleńni hramadzianstva Saakašvili była padadzienaja niedakładnaja abo sfalsifikavanaja infarmacyja, jon «pavinien byŭ dziejničać u adpaviednaści z zakonam i Kanstytucyjaj».
«Lubyja inšyja kroki byli b złačynnaj dziejnaściu. Ja padpisaŭ ukaz [ab pazbaŭleńni hramadzianstva] hetak ža, jak i adnosna inšych hramadzian», — adznačyŭ Parašenka.
