Adkazny za praviadzieńnie sieparatysckaha refierendumu na Danbasie Raman Lahin zrabiŭ zajavu, u jakoj pryznaŭ, što žychary hetaha rehijona byli «abduranyja».
facebook.com/kursk.dn
«U 2014 hodzie ludzi hałasavali za dałučeńnie da Rasii. Kali b referendum adbyŭsia siońnia, vynik jaho byŭ by procilehłym. Ludzi byli abduranyja, u tym liku i mnoj. Siońnia «DNR» trymajecca na ŭnutranym terory», — zajaviŭ jon u sacsietkach.
Pa słovach Lahina, jon pastupaŭ zhodna sa svaimi pierakanańniami, tamu što vieryŭ u Rasiju, jakaja «kinuła žycharoŭ Danbasa pad tanki».
Sieparatyst taksama pryznaŭ, što biez Ukrainy Danbas nie spravicca sa svaimi prablemami.
«Rasii, jakuju my sabie ŭjaŭlali, niama, a moža, i nikoli nie było. Dla viartańnia narmalnaha žyćcia, adnaŭleńnia pracy pradpryjemstvaŭ niepaźbiežnaje viartańnie va Ukrainu! Danbas — heta Ukraina!»
11 maja 2014 hoda Raman Lahin abviaściŭ vyniki nielehalnaha refierendumu «ab samavyznačeńni DNR» usiaho praź niekalki hadzin paśla zakryćcia vybarčych učastkaŭ.
U vieraśni 2014 hoda sieparatyst uznačaliŭ nielehalna stvoranuju CVK «DNR», da 26 vieraśnia jon byŭ samaabvieščanym ministram pracy i sacyjalnaj palityki «DNR». U krasaviku 2016 hoda paśla kanfliktu z kiraŭnikom «DNR» Alaksandram Zacharčankam byŭ adpraŭleny ŭ adstaŭku i zatrymany bajevikami. Paźniej byŭ vyzvaleny, paśla čaho źjechaŭ u Rasiju.
